قصة حقيقيه

السلام عليكم ورحمة الله وبركاتة اليوم ياينكم بقصه يديه وصدقيه

ارجوا ان تنال اعجابكم


بيت فجر:ابوها بو عبدالله- وامها ام عبدالله ...اخوانها من الاكبر لي الاصغر:عبدالله -مشعل-فواز ونوف

"فجر..قومي الساعة 11..خالج ورته بييون يتغدون عندنه اليوم..قومي ساعديني"أم عبدالله
بطلت فجر عينها بالغضب...وقالت بصوت مبحوح:"اي ادري...قالت لي حنون امس"
قالت امها:"يمه منها ذي..مسرع ما تعرف الاخبار"
وسكتت وهي تشيل الثياب الي نثرتها نوف على الارض
وقالت:"يعني اهيه بتيي؟"
فجر:"اي"
ام عبدالله معصبة:"انزين يالله قومي...مادري اشهالطبع...سهر في الليل وخده لي 11 و12 الظهر...عبالكم العطلة حق جذي بس..لا شغل ولا مشغلة....قومي"وعقب طلعت

"أووووف "وقامت فجر من السرير
******

مشعل وفجر نازلة على الدري:"فجر..."
فجر:"نعم"
مشعل:"بيي خالي اليوم لا"
فجر:اي...ما قالت لكم امي"
مشعل:"نسالها...ماتجاوب...تقول ما لكم دخل"
فجر متنرفزة:ما تعرف امك يعني"


فجر:18 سنة...اول سنة جامعة...هادية وناعمة وخجولة وايد...حنطية وملامحها حلوة...واهيه البجر(أكبر اخوانها)...متاذية من بيتهم وايد...امها وايد عصبية ودايما تهاوشها...وابوها بعد علاقته معاها سطحية...

حنان:اصغر من فجر ب 5 شهورتقريبا...توجيهي...ناعمة...وهادية بس من تحت لي تحت""يعني شويطينة" تصير حق فجر(اخت مرة خالها)>>>ضيعتوا
المهم...علاقتها بفجر وايد close


الساعة وحدة وربع تقريبا"تن تن"....صوت الجرس

ركض فواز(صف الرابع):"خالي يه خالي يه"
وركضت وراه نوف(صف الاول)...وعند الباب
"يسفوا..عللوي"صاح فواز
يوسف(5 سنوات في الروضة) وعلي(3 سنوات)....اعيال خالهم
يوسف:"فوازو...يالله يالله فوق...خل نلعب بلي ستيشن...يبت شريطي اليديد"
وركضوا اليهال ككلهم فوق......يحليلهم
فجر بصوتها الناعم:"هلا خالي"...سلمت عليه وحبته على خده
خالها:"هلا حبيبتي...شلونج؟"
فجر:"الحمدلله بخير"
وسلمت على مرة خالها(ام يوسف)
وحنان كانت وراهم
فجر:"هاي انتي"
وسلمت عليها
حنان"هلا...ِشخبارج؟"
"تمام...وينج من زمان ما جفناج"
حنان"بعد...عطلة...وطلعة كل يوم"
فجر"يا بختج...مو انه مجابلة اربع طوف"
وعقب الغدا............................................. ........................
ام يوسف"عيل متى تداومون؟"
فجر"امممم...عقب اسبوعين تقريبا...ريضين"
حنان"مالت علينه...عقب باجر نداوم"
ام عبدالله"عطلة الربيع هالمرة وايد قصيرة...ما شبعنه"
فجر تتحلطم"اشدعوه طلعنه والا سافرنه...متى نداوم؟!"
ردت عليها امه:"بس انتي ما عندج الا هالحجي...ما ينقع شي في عينكم"
ضحكت ام يوسف((خب الاهل متعودين على طبع ام عبدالله":"بتيي الجامعة...وعقب بتقولون متى العطلة؟!"
حنون تساسر فجر:"قومي خل نروح حجرتج"
فجر"يالله"


حنان"تعالي...وين تلفونج اليديد"
فجر تطلعه من جيبها"أكاهوه"
حنان"ياسلام...N73...من قدج...خلنه ع ال66"
ضحكت فجر
حنان"جم وصل سعره"
فجر"اممم...176 تقريبا..."
حنون تتطنز"الله!!! من وين يبتي البيزات...لا تقولين ابوي شرالي"
"لا اله الا الله...عمت عينك يا حسود"
ضحكت حنان:"لا صج...من وين لج"
"نسيتي اني محصلة بعثة...يمشون لي ف الكورس 200...وانه اوردي عندي 50 دينار من قبل...شريته"
"زين والله"
"اي الحمدلله...ابوي ما كان راضي...ما يسوه 180 على تلفون...حق الفشار ومادري شنو....عاد ذاك الاسبوع يوم راحو العمرة...تميت بيت يدتي...عمي فيصل وداني التامينات...وخذت ليزززمسكين قال لي خذي N73 الايدد (الميوزك اديشن)...وبازيدج انه...قلت له ما يحتاي"
حنان:"غبية لانج"
"شنو غبية...زين مسكين وداني..اشقالولج...بليته"
"ويييي...عدال"
"بسج عاد"
ورن تلفون حنان:"ألو...هلا ابوي...اي تغديت...وانت؟....اي عبالي...اي انه في بيت فجور...انزين...انزين...اشفيه اخوك ذي ما فيه صبر...انزين...ان شالله...متى بيرخصونك ؟...كله ماتدري...زين حبي...تحمل في روحك...باي"
وصكت التلفون
فجر"مسكين...راشد لي حين مرقد في المستشفى"
"اي معور قلبي...ابي اروح له..امي تقولي ثقلي...لا ترزين ويهج"
ضحكت فجر:"ههه"


راشد:22 سنة...واخوه توأمه واسمه فهد...راشد يحب حنان...ترجاها يكلمها..بس مارضت...وقالت له:تبيني...تعال بيتنه...وصج قبل شهرين تقدم لها...بس ما كان مجهز روحه...وما كون نفسه..قال لهم صبرواا علي جم شهر وان شالله المهر بارز...,وافقوا عليه بعد ما سالوا عنه وطلع ريال كفو...وام حنان...تحب حنون وايد...لانها اخر العنقود...وهي الدلوعة...رضت ان حنان تكلم راشد...

وبعد ما صكت حنان التلفون....قامت تسالف مع فجر
حنان"كاسر خاطري...ابي اجوفه واطمن عليه...امي مو راضية"
فجر"اي ...عدل كلام امج...لي حين ما ملج عليج...تروحين له!...صج ما عندج سالفة"
حنان"ذلفي انتي...يزعم بتقولين شي عدل"
ضحكت فجر"اي...بعد شنو...صح كلامي"
حنان"اوووو..سكتي يالمأدبة...اقولج معور قلبي"
سكتت وكملت مستحية"يقول لي...لين جفتج...باشفه على طول"
ضحكت فجر"ياعيني عالحب"
سكتت حنان وكانها تفكر في شي وبعدين قالت"وانتي؟...متى بتعرسين؟"
فجر سكتت...تنفست بقوة:"آههه...ياليت"
"بل بل بل...اشفيج شفطتي هوا الحجرة كله"
"اقولج ياليت...بس وين هالريل"
ضحكت حنون"الي يسمعج يقول عانس...عمرج 30سنة"
ضحكت فجر وقالت وهي تلعب بشعرها:"اسم الله علي..توني بنوتة عمري 18...تو الناس علي"
حنان:"لا صج صج...لو احد تقدم لج واهو حلو وزين وبيتكم وافقوا عليه...توافقين؟!"
سكتت فجر:"اممممم...مادري...احس روحي توني صغيرة...اشلي بعوار الراس"
قاطعتها حنون:"عوار راس!...ويهج...انتي مو كله تشتكين من امج ومعاملتها لج...وابوج بعد...بس عرسي وافتكي"
"حنون...اشفيج انتي...ما افكر انه الحين...لا خطوبة ولا عرس ولا شي"
حنان:"اخاف اله تكلمين من وراي...خب الجامعة ما تخلي حد في حاله"
ضحكت فجر"ههه...تعرفيني ما عندي هالسوالف...ولا افكر...خلني جذي احسن...لين الله كاتب لي نصيب..بييي"
حنان سكتت وكانت تطالع فجر وكانها تبي تقول شي ومترددة
فجر:"حنوون...اشفيج؟ سكتي مرة وحدة"
حنان"باقولج شي"
فجر"قولي"
قامت حنان من مكانها وقعدت على الكرسي الهزاز....وفجر قامت حضنت المسدة وتبعت"يالله قولي"
قالت حنون بكلمات متقاطعة"فهد...اخو...راشد...يبي يكلمج"
سكتت فجر...بطلت عينها مستغربة:"""شنو؟؟؟"""
حنان"من قال شنو سمع"
"لا والله من صجي ...ما فهمت"
"شنو اتحجى هندي انه"
"انزين...اهوه ادراه ني...او....امم...اوف...شسالفة...تحجي"
عدلت حنون قعدتها:"سمعي...فهد بعد ما تقدم لي اخوه...قام اهوه وقال يبي يخطب بعد...ويدور بنيه حليوه وزينة...وقال لي ادور له...وانه بصراحة قلت له عنج...انه قلت له ان اهيه ما عندها هالسوالف...وكلمته عنج...ودشيتي في باله...توله الحبيب!"
فجر"لا والله...على كيفج انتي"
"المهم...صار اللي صار...بس اهوه احين يبي يكلمج لي يكون نفسه اهوه بعد...ويتقدم لج...خبرج توام ويقلدون بعض"
سكتت فجر:"لحظة لحظة...ما فهمت"
"اشفيج انتي...اوف....سمعي ..احين راشد متصل فيني واخوه يحن على راسه ينطر رد منج"
"شنو ينيتي انتي...اكيد لا"
"لا تصيرين معقدة...الصبي زين...ماعليه عيب...كفاية يبيج ويبج"
"شنو يحبني واهو لاجافني ولا كلمني حتى"
حنان"تنزين...كلميه...لين حسيتيه جذاب هديه"
"جيف اهوه لعبة...لا لا ...خليني بعيد عن هالسوالف"
"لا بس انه متاكدة انه ما يجذب...انه من اسبوع قايلت له عن السالفة...ولي الحين يحن علي...اذاني"



بس تعبت....انطر ردودكم

هو شي جزء ثاني بس اتريا السالفه اليديده تستوي لانها قصه صدقيه هب جذبيه

مشكور اخوي ونتريا الجز الثاني

يعطيك العافيه اخوووي


على الابداع


بـ انتظار كل يديد منك


الى الامام دائمـا

مشكور اخوي وانتريه الجزء الثاني