ولد يرفس النعمه

السلام عليكم ...
شحالكم اخواني وخواتي .
]عساكم طيبيــــن ..
اشتقت للمنتدى ولقلعة القصص بشكل خاص ..
حبيت ارجع ومعاي قصــة يديده ..
وما بتكلم عن الدراسه والتدريب لانه اذا تكلمت ما بخلص (:
بخبركم عــــــاد ..من فتره كنت سايرة السوق غصبن عنــي ..ما كان لي خاطر بس ما ادري ليش سرت ويا امي واختــي ..>> عشان تضيعين وقت ..
المهم سرنــــا السوق ودرنا محلات القطع ..محل محـــل ..و محل من المحلات دخلنـــا عـــاد انا ما كنت اشوف شي من الضيقــة الي فيـــه والملل ,, فجأه صدت امي واختي على قطعه وانا ما شدني غير يهال حظرته يدوس خمس دراهم ...عافصنهن عفاص اليهـــــــد ..وقاعد ينط بقوه جنه بيجتل ذبابه او دبور او ما شابــة ..
في خاطري اقول لو انــا امك جان حرمتك من الفلوس اسبوع ..شفت الناس الي في المحل ومب مبين اذا اهله في المحل او لا ..
المهم تميت اشوووفه وانا مستغربه وفي داخلي اقول بس يصد الصوب الثاني بشل عنه البيزات بدون ما يدري ..
فجأه الله لا يرااويكم من كثر ما هو متحمس جان يتخرطف ...وضحكت عليه من الخاطر وفي خاطري اقول تستاهل ما يااااك ...
اخر شي صد صوبي وابتسم ..

بصراحة اول مره اشوف ياهل جذي ..
هو بطران او ملان او شي فيه ..
وبصراحــة اليهال من هل النوع يحتاجون حد يعلمهم ويفهمهم قدر الفلوس ..
يمكن لانه صغير بعذره ما يفهم ..
بس بعد الياهل على ما تعوده .
بيتعود يرفس النعمــة وبيتم طول عمره ما يعرف قيمــة البيزات عدل ..
مع احترامي وتقديري ..
منقول

يشرفني ان اكون اول وحده ارد عليج

و تسلمين على الموضوع